വേനൽ ചിത്രം

കണ്ടേൻ വേനലിനൊടുവിൽ പനിനീർ

പുഷ്പമൊരെണ്ണം വാടികയിൽ

ചോരത്തുള്ളികളിറ്റു വിഴും പടി

ചോപ്പുനിറത്തിൻ തികവോടെ

കടന്നുപോകേ, ഉൾവിറയോടേ

ഉരചെയ്തേൻ ഞാനീവണ്ണം

"ഇത്രത്തോളം മൂപ്പായാൽ മൃതി-

യത്രയടുത്തെന്നാണർഥം."

ഒരു ചെറുതെന്നലുമുണ്ടായീലാ

ഉഷ്ണദിനത്തിലൊരേടത്തും,

വെളുത്ത നിറമാർന്നൊരു ശലഭത്തിൻ

മൃദുവാം ചിറകടി, യതു മാത്രം,

വായുവിലുണ്ടാക്കീലൊരു ചലനവു-

മെങ്കിലുമാ റോസ് പുഷ്പത്തെ

പാടെയുലച്ചാനതു, ഹാ കഷ്ടം

വീണിതു മണ്ണിൽ, മരിച്ചേ പോയ്.