മനുഷ്യരുടെ വാക്ക്

മനുജന്മാരുടെ വാക്കിനെയേറെ/ ഭയപ്പെടുന്നേൻ ഞാൻ

വളരെ വ്യക്തതയോടവർ പറയും, /ഇതു നായ്, അതു വീട്,

തുടക്കമിവിടെ, ഒടുക്കമവിടെ, /ഭീതി നിറയ്ക്കുന്നു-

ണ്ടവരുടെ ബോധം, പരിഹാസം കിനി/യുന്നൊരു ക്രീഡകളും,

എല്ലാമറിയാമവർ,ക്കിതെ,ന്തിനിയെന്താകും, മുന്നം

എന്തൊന്നായിയിരുന്നു ഇതെന്നും, സംശയമില്ലൊട്ടും.

ഒരു പർവ്വതവും അവരിലൊരത്ഭുതമുളവാക്കുന്നില്ല,

അവരുടെ തോട്ടം, സമ്പാദ്യങ്ങളു,മീശ്വരനുടെ സവിധേ

നിലകൊള്ളുന്നൂ, ശരി ഞാൻ നൽകാം ഒരു താക്കീതിപ്പോൾ

പ്രതിരോധിക്കുക എന്നൊരു വാക്കും –

അകന്നു നിൽക്കുക നീ.

കേൾക്കാൻ പ്രിയമുണ്ടേറെ വിശേഷാൽ വസ്തുക്കൾ പൊഴിക്കും ഗാനാലാപം,

അടുത്തു ചെന്നവയെത്തൊട്ടെന്നാലോ,

അറിയാം തീരെ വഴങ്ങാത്തവയാണവ മിണ്ടാത്തവയും,

എൻ വസ്തുക്കളെയെല്ലാമയ്യോ കൊല്ലുന്നൂ നിങ്ങൾ.